TƏBİB yanıq xəsarətləri alan Türkiyə vətəndaşının vəziyyətini açıqlayıb.

Aztibb.az xəbər verir ki, TƏBİB-dən APA-nın sorğusuna cavab olaraq bildirilib ki, 1964-cü il təvəllüdlü Türkiyə vətəndaşı əl və üzündə olan yanıq xəsarətlərilə 06.10.2022-ci il saat 00:35 radələrində TƏBİB-in tabeliyindəki Qazax Rayon Mərkəzi Xəstəxanasının Təcili tibbi yardım bölməsinə yerləşdirilib.

İkinci dərəcəli yanıq diaqnozu qoyulan pasiyentin hazırda müalicəsinə davam edilir. Vəziyyəti orta ağırdır.

Qeyd edək ki, Qazaxda Türkiyə vətəndaşı yanıb. Hadisə rayonun “Qırmızı Körpü” adlan ərazisində qeydə alınıb.

1964-cü il təvəllüdlü Yaşar Gənc bədənin müxtəlif hissələrinin yanığı diaqnozu ilə xəstəxanaya yerləşdirilib.

Məlumata görə, Y.Gənc benzini alışqanla yandıran zaman ehtiyatsız davranıb.