Həkimlər immuniteti gücləndirmək üçün ən yaxşı qidanı müəyyən ediblər.

Aztibb.az medikforum.ru-ya istinadla xəbər verir ki, ABŞ tədqiqatçıları qida lifinin bağırsaq bakteriyaları üçün ən yaxşı qida olduğu qənaətinə gəliblər. Belə ki, liflər bağırsaq mikrobiomu tərəfindən udulmuş zaman, bədənin qoruyucu funksiyalarını yaxşılaşdıran maddələr buraxılır.

“Lifli qidalara ən çox bağırsaq bakteriyaları üstünlük verir. Onun parçalanması zamanı immun hüceyrə reseptorlarını stimullaşdıra bilən qısa zəncirli yağ turşuları əmələ gəlir - bu, immunitet sisteminin antimikrobial reaksiyalarını aktivləşdirir” - deyə həkimlər bildirir. 

Bu nəticəyə gəlməzdən əvvəl tədqiqatçılar bağırsaq mikroorqanizmlərinin, immun sistem hüceyrələrinin və kolonositlərin (yoğun bağırsağın selikli qişasında olan hüceyrələr) orqanizmdə necə qarşılıqlı əlaqədə olduğunu öyrəniblər. Onların fikrincə, insanın xəstəlik törədən patogenlərdən qorunması böyük ölçüdə kolonositlərlə birlikdə fəaliyyət göstərən rezident bakteriyaların fəaliyyətindən asılıdır. İnsan liflə zəngin qida qəbul etdikdə kolonositlər elə fəaliyyət göstərir ki, rezident bakteriyalar ölümdən maksimum qorunur.

Alimlər həmçinin qida lifinin ən yaxşı mənbələrinin bitki qidaları - giləmeyvə, tərəvəz və meyvələr, qoz-fındıq və s. olduğunu vurğulayıblar.