Babasildən (hemoroiddən) əziyyət çəkməmək, əməliyyata qədər gəlib çıxmamaq üçün aşağıdakılara əməl etmək lazımdır 

 

1. Düzgün qidalanmalısınız. Yüksək lifli qidalardan istifadə etməlisiniz.

2. Oturaq həyat tərziniz varsa, gün boyu çalışmalısınız ki, hərəkət edəsiniz. Buna idman hərəkətləri də daxildir.

3. İdman və ya iş görəndə gücünüz çatandan artıq ağırlıq qaldırmamağa çalışın.

4. Gündə kifayət qədər su qəbul etmək lazımdır.

5. Fiziki və psixoloji cəhətdən sağlam həyat tərzi sürməyə çalışın.

6. Defekasiya ehtiyacı yarandıqda, gözləmədən tualetə gedin.

7. Ədviyyatlı yeməklərdən çəkinin.

 

Həkimin sözlərinə görə, babasilin yaranmasının ilk səbəbi qəbizlik olduğu üçün çalışmalısınız ki, lifli qidalardan istifadə edəsiniz ki, qəbiz olmayasınız. Gündə ən azı 1 dəfə şorba içmək lazımdır. Qırmızı ət yeməklərini azaltmalısınız. Meyvə- tərəvəz bol vitaminli qidalar yeyin. Ədviyyatlı, duzlu yeməklərdən uzaq durun. Qatıq yeməyi də unutmayın. Qazlı içkilərdən uzaq durun. Bol su için. Bunlara əməl etdikdə həm babasili yaradan səbəblər kökəlmə, həm də qəbizlik olmur.

 

Gün boyu aktiv olmaq xüsusi ilə idmanla məşğul olmaq lazımdır. Əgər oturaq həyat tərziniz varsa, iş arası fasilə edib aktiv olmaya çalışın. Sadəcə gün boyu 20-30 dəqiqə yürüyüş belə çox faydalıdır. Babasili yaradan amillərdən ən başlıca amil ağır yük qaldırmaqdır. Çalışın ağır yük qəti qaldırmayın və idman edən zaman bunu diqqətə alın. Defekasiya ehtiyacınızı saxlamayın saxladıqda və bu hal tez-tez olduqda babasil yarana bilər.

 

Həkim əlavə edib ki, yuxarıda qeyd olunanlara əməl etməklə babasil xəstəliyindən uzaq drumaq mümkündür.