Azərbaycan şou-biznesinin tanınmış siması, müğənni, bəstəkar, MTV-nin keçmiş direktoru Rəhim Rəhimli vəfat edib.

Aztibb.az xəbər verir ki, bu barədə Xalq artisti Faiq Ağayev sosial şəbəkə hesabında paylaşım edib.

Məlumata görə, müğənni ürəktutmasından vəfat edib.

Mərhum sənətçi bu gün saat 12-də Bülbülə qəbiristanlığında torpağa tapşırılacaq.

Qeyd edək ki, Rəhim Rəhimli 1979-cu ilin 7 iyun tarixində Ağdamda anadan olmuşdu. Azərbaycanlı bəstəkar, müğənni, aktyor 2006-cı ildən səhnədə idi.

Ekstravaqant tərzi ilə diqqət çəkən sənətçi, çoxsaylı klipləri və mahnıları ilə tanınırdı. O, 2018-ci ilin iyunundan 2020-ci ilin yanvar ayına kimi “MTV Azərbaycan” kanalının direktoru işləmişdi.