Sentyabrın 29-da "Dəniz Mall"-da Ümumdünya Ürək Günü ilə bağlı akademik C.M.Abdullayev adına Elmi-Tədqiqat Kardiologiya İnstitutu tərəfindən tibbi aksiya keçirilib.

Aksiyada Elmi-Tədqiqat Kardiologiya İnstitutunun həkimləri tərəfindən kardioloq, endokrinoloq və nevropotoloq müayinəsi keçirilib, vətəndaşlara ürək-damar xəstəliklərinin inkişaf təhlükəsini azaltmağa yönəldən tövsiyyələri əks etdirən bukletlər paylanılıb. Bundan başqa, müraciət edənlərin arterial təzyiqi, qanda şəkərin səviyyəsi təyin edilib, profilaktik məqsədli izahatlar verilib.

Tədbir respublika səviyyəsində, dövlət xadimləri və professor-həkim heyyətinin iştirakı ilə baş tutub.

Tibbi aksiyada Elmi-Tədqiqat Kardiologiya İnstitutunun direktoru, t.e.d., professor Gülnaz Dadaşova, Respublikanın Baş kardioloqu, t.e.d. Yusif Nağıyev, Azərbaycan Kardioloqlar Cəmiyyətinin sədri, t.ü.f.d. Üzeyir Rəhimov da iştirak ediblər.