Səhiyyə Nazirliyi, İctimai Səhiyyə və İslahatlar Mərkəzi (İSİM), Azərbaycan Tibb Universitetinin (ATU) təşkilatçılığı, “Marsol” MMC və “Özsüt” restoranlar şəbəkəsinin əməkdaşlığı ilə 29 sentyabr – Ürək Gününə həsr olunmuş aksiya keçiriləcək.
Aztibb.az xəbər verir ki, aksiya Qış parkında (Füzuli küçəsi, 47) 29 sentyabr 2022-ci il saat 11.00-13.00 baş tutacaq.
Aksiya çərçivəsində iştirakçılar ilkin müayinələrə dəvət ediləcək (boy, çəki, təzyiq və nəbzin ölçülməsi, EKQ müayinə), həkim və kardioloqların, ictimai səhiyyə mütəxəssislərinin tövsiyələri ilə tanış olacaqlar. Aksiyada, həmçinin “Sağlam qida” guşəsi, eləcə də ürək-damar xəstəliklərinin əsas risk amilləri, zərərli vərdişlərin mənfi təsirləri və s. mövzulara dair maarifləndirici materiallar təqdim ediləcək.