Sentyabrın 29-da Azərbaycan Ürək və Damar Cərrahiyyəsi Cəmiyyəti tərəfindən Dünya Ürək Gününə həsr olunan Ürək-damar Xəstəlikləri Beynəlxalq Konqresi keçiriləcək.
Hibrid formatda baş tutacaq, 50 nəfərə yaxın mütəxəssisin əyani, 300-dən artıq mütəxəssisin isə onlayn qatılacağı tədbir Cəmiyyətin sosial media kanallarında canlı yayımlanacaq.
30 sentyabr tarixində rezidentlər və gənc həkimlər üçün praktiki kurslar, təcrübə məşğələləri təşkil olunacaq.
1 oktyabr tarixində isə Qocalar evində məskunlaşmış ahılların və uşaq evində məskunlaşmış kimsəsiz uşaqların tibbi müayinədən keçirilməsi planlaşdırılır. Günün sonunda ürək sağlamlığının təbliği məqsədilə həkimlərlə idman jurnalistləri arasında futbol oyunu keçiriləcək.
Sosial tədbirlərin keçirilməsində əsas məqsəd ürək sağlamlığına cəmiyyətin diqqətini çəkmək, bu sahədə maarifləndirmə işləri aparmaqdır.
Azərbaycan Respublikası Səhiyyə Nazirliyinin Elmi-Tibbi Şurasının iclasında Dünya Ürək Gününə həsr olunan Ürək-damar Xəstəlikləri Beynəlxalq Konqresi davamlı tibbi təhsil verən tədbir kimi tanınıb və konqresə 16 kredit balı verilib.
Konqresə qeydiyyat linki: