Respirator disstress sindromu kəskin tənəffüs çatışmazlığı ilə xarakterizə olunan xəstəlikdir.

 

Aztibb.az xəbər verir ki, bu barədə uzman terapevt Çinarə Səfərova məlumat verib.

 

Həkim bildirib ki, xəstəlik aşağıdakı əlamətlərlə özünü büruzə verir:

- ağciyərlərin müxtəlif kəskin zədələnmələri

- ağciyərlərin qeyri-kardiogen ödemi

- xarici tənəffüsün pozulması

- hipoksiya

- ağciyərdə infiltirasiya.

 

Ç.Səfərova qeyd edib ki, xəstəliyin klinik simptomları zədələyici faktorun təsirindən bir-neçə saat sonra təzahür edir. Xəstələrdə səthi tənəffüs, təngnəfəslik, hipoksemiya əmələ gəlir. Respirator disstress sindromun açıq şəkli 2 gün ərzində aydın olur. Daima oksigen inhalyasiyası verilmədikdə xəstələrdə sianoz meydana gəlir, dəridə göy ləkələr görünür.

 

"Diaqnozun qoyulmasında qanın və qan plazmasının ümumi analizləri, qanın qaz tərkibinin analizlərinin nəticələri, rentgenoloji müayinə əsas rol oynayır. Müalicə xəstəxana şəraitində reanimasion tədbirlərin tətbiqi ilə aparılır",- deyə uzman həkim qeyd edib..