Xətai Tibb Mərkəzində 27 sentyabr - Anım Günü münasibətilə tədbir keçirilib.

Aztibb.az-ın xəbərinə görə, əvvəlcə şəhidlərin əziz xatirəsi bir dəqiqəlik sükutla yad edilib.

Sonra Tibb müəssisəsinin direktoru Ələkbər Tağıyev Vətən müharibəsindəki qələbədən, xalqın Ali Baş Komandan ətrafında birliyinin bu zəfərdə əvəzsiz rolundan danışıb. Qeyd edib ki, itkilərimiz ağır da olsa nəticə labüd tarixi zəfərdir.

Digər çıxışçılar da haqq işimizdə dövlətin, xalqın, ordunun birliyindən bəhs edib, qazilərimizi minnətdarlıq, şəhidlərimizi rəhmətlə anıblar.