TƏBİB-in rəhbərliyi və tabeli tibb müəssisələrinin heyəti Şəhidlər xiyabanını ziyarət ediblər  
27.09.2022 16:21
27 sentyabr - Anım Günü ilə əlaqədar Fəxri xiyaban və Şəhidlər xiyabanı ziyarət olunub.
 
Aztibb.az xəbər verir ki, TƏBİB-in İcraçı direktoru Vüqar Qurbanov, struktur bölmə rəhbərləri və tabeli tibb müəssisələrinin rəhbər heyətinin iştiraki ilə 27 sentyabr - Anım Günü ilə bağlı Ulu Öndər Heydər Əliyevin məzarına, II Fəxri xiyabana və Şəhidlər xiyabanına ziyarət təşkil edilib.
 
Ziyarət zamanı müstəqilliyimizin memarı Ulu öndər Heydər Əliyevin və vətənimizin azadlığı uğrunda canlarını qurban vermiş şəhidlərimizin müqəddəs ruhları yad edilib, məzarları üzərinə gül dəstələri qoyulub.