Uşaq cərrahı Pərviz Səmədov: "Uğurlu cərrahiyyə əməliyyatının özülündə vaxtında həkimə müraciət dayanır"
27.09.2022 10:58
Tanınmış uşaq cərrahı Pərviz Səmədov 2013-cü ildən Xətai Tibb Mərkəzində çalışır. O, bugünədək uşaqlar üzərində 20 mindən artıq uğurlu cərrahi əməliyyat həyata keçirib.
 
Cərrahın fikrincə uğurlu cərrahiyyə əməliyyatının özülündə vaxtında həkimə müraciət dayanır:
 
“Uşaqlarda yalnız cərrahi əməliyyatla aradan qaldırılan xəstəliklər bəzən anadangəlmə, bəzən isə qazanılma ola bilir. Bu xəstəliklərdən eləsi var ki, uşaqlıqdan qarşısı alınmasa, gələcəkdə onların reproduktiv, yəni nəsil artırma qabiliyyətlərinə əngəl törədər. Ona görə də uşağı lap balacalıqdan vaxtı vaxtında profilaktik baxışdan keçirmək üçün həkimə aparmaq lazımdır. Xüsusən uşaq cərrahı uşağa baxmalıdır. Vaxtında diaqnoz qoyularsa müalicəsi də rahat olar, yaxud əməliyyat olunmalıdırsa daha tez bərpa olunar ki, gəncliyində ona maneələr yaratmasın”.
 
Qeyd edək ki, Pərviz Səmədov 1995-ci ildən uşaq cərrahi işləyir.