Mərkəzi Gömrük Hospitalının terapevti Ankara Universitetinin Cebeci xəstəxanasında kursda iştirak edir  
26.09.2022 12:14
Mərkəzi Gömrük Hospitalının terapevti Xumar Novruzova 18-30 sentyabr 2022-ci il tarixlərində Türkiyənin Ankara Universitetinin Tibb fakültəsinin Cebeci xəstəxanasının Ağciyər xəstəlikləri şöbəsində keçirilən "Tənəffüs funksion testlərinin “JAEGER Master screen Body” cihazında aparılan müayinələri" praktiki kursunda iştirak edir.
 
Aztibb.az-ın xəbərinə görə, praktiki kursun sonunda azərbaycanlı həkimə sertifikat təqdim ediləcək.

Xumar Novruzova 1 oktyabr 2022-ci il tarixindən etibarən Mərkəzi Gömrük Hospitalında “JAEGER Master screen Body” cihazında tənəffüs funksiyası müayinələrinin aparılmasına başlayacaq.
 
Qeyd edək ki, “JAEGER Master screen Body” cihazı ilə aparılan spirometriya, bodipletizmoqrafiya və Diffuzion testi tənəffüs funksiyası müayinələrinin dəqiq aparılması üçün əvəzsizdir.