Ölkəmizin ərazi bütövlüyü uğrunda canından keçən Vətən övladlarının əziz xatirəsi daim əziz tutulur. Sumqayıt Tibb Mərkəzi şəhid ailələri və qazilərimizi diqqətdə saxlayır, mütəmadi olaraq onların qayğıları ilə maraqlanır.

Bu gün Sumqayıt Tibb Mərkəzinin (STM) 5 nömrəli Ailə Sağlamlıq Mərkəzinin baş həkimi Zeynəb Süleymanova və tibb müəssisəsinin kollektivi Vətən müharibəsi şəhidi Nadir Rzayevin ailəsini ziyarət ediblər.

Qeyd edək ki, Müdafiə Nazirliyi Xüsusi Təyinatlı Qüvvələrinin əsgəri Nadir Rzayev 15 oktyabr 2020-ci ildə Füzuli uğrunda gedən döyüşlərdə şəhadətə yüksəlib. Dövlət başçısının müvafiq sərəncamları ilə o, ölümündən sonra “Vətən uğrunda” və “Füzulinin azad olunmasına görə” medalları ilə təltif edilib.