M.Ə.Mirqasımov adına Respublika Klinik Xəstəxanasının direktor müavini Telman İbadovun 75 yaşı tamam olur.

Bu münasibətlə xəstəxanada yubiley tədbiri təşkil olunub.

Tədbirdə xəstəxananın direktoru Azər İsmayılov, İcbari Tibbi Sığorta üzrə Dövlət Agentliyi İnsan Resurslarının İdarəedilməsi və İnkişafı Departamentinin rəhbəri Müşfiq Əmircanov, Azərbaycan Tibb Universitetinin və Əziz Əliyev adın Azərbaycan Dövlət Həkimləri Təkmilləşdirmə İnstitutunun professorları, həmçinin Respublika Klinik Xəstəxanasının kollektivi iştirak ediblər.

Mərasimdə çıxış edənlər yubilyarın yüksək insani keyfiyyətlərindən, onun həm rəhbər, həm də bir fərd kimi işçilərə diqqətindən, vətəndaşlara, xalqına, xidmət və qayğısından bəhs edib, təbriklərini səsləndiriblər.

Yubiley tədbirində, həmçinin Telman İbadov 75 illiyi münasibətilə Fəxri fərmanla təltif edilib.