Azərbaycanlı həkim Çində ölkəmizi təmsil edib
23.09.2022 17:56

Azərbaycan Tibb Universitetinin I Cərrahi xəstəliklər kafedrasının əməkdaşı, bariatrik-metabolik cərrahiyyə üzrə tanınmış həkim, tibb üzrə fəlsəfə doktoru Taryel Ömərov Çin Bariatik və Metobolik Cərrahlar Dərnəyinin (CSMBS) 9-cu illik konfransı, Beynəlxalq Piylənmə Cərrahiyyəsi və Metabolik xəstəliklər Assosiasiyasının (İFSO) 7-ci simpoziumu, həmçinin 1-ci Beynəlxalq Çin Metabolik və Bariatik Cərrahiyyə konfransında ölkəmizi təmsil edib.

 

Səfər haqqında məlumat verən T.Ömərov bu mötəbər tədbirə dəvət edildiyi üçün təşkilat komitəsinin üzvlərinə, xüsusən Bariatrik və Metabolik Cərrahlar Assosiasiyasının həmsədri, YOUNC İFSO prezidenti Wah Yanga təşəkkürünü bildirib: “Nəzərinizə çatdırmaq istəyirəm ki, Cənubi Qafqaz və Orta Asiya ölkələrindən yalnız Azərbaycan bu konfranslarda təmsil olunurdu. Dünya səviyyəli tədbirdə çıxışçı qismində iştirak etmək mənim üçün çox önəmli hadisə idi”.

 

T.Ömərovun sözlərinə görə, onun “Mədənin boylama rezeksiyasından sonra GERD profilaktikası: milli təcrübəmiz” adlı çıxışı çox maraqla qarşılanıb. Həkim qeyd edib ki, bu problem hazırda dünyanın ən aktual müzakirə edilən elmi-cərrahi prosesidir: “Bildiyiniz kimi, bariatrik-metabolik cərrahiyyə metodları arasında dünyada ən çox əməliyyat edilən metod rezeksiyasıdır. Lakin bu əməliyyatların uzaq dövr üçün bəzi çatışmayan cəhətləri var. Ölkəmizdə 9 ildir ki, bu əməliyyatlar tərəfimizdən uğurla həyata keçirilir və fəsadların qarşısının alınması üçün tətbiq etdiyimiz xüsusi metodika var. Bu metodika 2017-ci ildə Beynəlxalq İdeya Müəllifliyi Agentliyi, 2018-ci ildə isə Avrasiya Patent Təşkilatı tərəfindən patent əldə edib. Çindəki çıxışımda da milli təcrübəmiz olan bu metodun fəsadların qarşısının alınmasındakı xüsusi rolundan bəhs etdim”.  

 

Məlumat üçün bildirək ki, Azərbaycan Bariatrik-Metabolik Cərrahlar Assosiasiyasının sədri T.Ömərovun bu metodu piylənmədən əziyyət çəkən pasiyentlərin artıq çəkidən qurtulması üçün icra edilən cərrahiyyə əməliyyatları zamanı istifadə olunur. İndiyədək dünyanın bir çox nəşrlərində bu metod barədə elmi məqalələr dərc edilib.

ÇOX OXUNANLAR
Qaraciyərin düzgün işləməməsinin ƏLAMƏTLƏRİ  
Təbii vasitə 12 həftə ərzində 8 kiloqrama qədər arıqladır
Buğda cücərtisi gənclik iksiri kimi də bilinir
Təcili tibbi yardım briqadasının yardımı ilə 66 yaşlı xəstə Mərkəzi Klinik Xəstəxanaya hospitalizasiya olunub
Şuşa Rayon Mərkəzi Xəstəxanasının ginekoloqu Şəbnəm Baxşəliyeva - Həkimlərimizi tanıyaq!
Şahdamara stend taxıla bilərmi?
Uzman həkim Şiraslan Baxşəliyev Gəncə Beynəlxalq Xəstəxanasında pasiyentləri qəbul edəcək
Masallı Rayon Mərkəzi Xəstəxanasının otorinolarinqoloqu Kamran Musayev - Həkimlərimizi tanıyaq!
Uşaq cərrahı Günel Əmiraslanova Şəkidə Bonum Medicalda pasiyent qəbulu həyata keçirəcək
Sürətli döyüntünün tək səbəbi ürək deyil!
Böyrək daşı xəstəliyi nədir və necə yaranır?
Regionlarda fəaliyyət göstərən peşəkar səhiyyə işçilərini tanıtmaqda davam edirik!
Qaradağ Tibb Mərkəzində daha bir uğurlu əməliyyat icra olunub
Ağır vəziyyətdə Respublika Uşaq Klinik Xəstəxanasına yerləşdirilən 2 yaşlı uşaq həyata qaytarılıb