Mərkəzi Gömrük Hospitalının Poliklinika şöbəsinin rəisi, kardioloq Tamilla Əliyeva və fizioterapevt Səidə Kərimova 20-23 sentyabr 2022-ci il tarixlərində “Ürək xəstələrində poliklinik reabilitasiya mərhələləri” mövzusunda təlimdə iştirak ediblər.
Təlim Rusiyanın Bərpaedici Tibb və Reabilitasiya Mərkəzinin reabilitasiya üzrə həkim-kardioloqu Litvyakova İ. və Rusiyanın “Wellness and Antiage” tibb müəssisəsinin eksperti Dobrodeev İ. tərəfindən aparılıb.
Tədbirdə müxtəlif ürək xəstəliklərində reabilitasiya proqramı və ağciyər xəstəliklərindən sonra reabilitasiya protokalları, müalicə prosedurlarında istifadə olunan avadanlıqlar və prosedurlar barədə ətraflı məlumat verilib. Eyni zamanda, reabilitasiya zamanı fizioterapevtik müalicə, idmanla müalicə, pəhriz tövsiyyələri barədə də müzakirələr aparılıb. Təlimin sonunda iştirakçılara sertifikatlar təqdim olunub.
