Elmi-Tədqiqat Tibbi Bərpa İnstitutunun ginekoloqu - Aygün Həsənova 
23.09.2022 15:04
Aztibb.az-ın "Həkimlərimizi tanıyaq!" rubrikasında bu dəfə saytımızın oxucularına Elmi-Tədqiqat Tibbi Bərpa İnstitutunun (ETTBİ) Poliklinika şöbəsinin ginekoloqu Aygün Həsənova haqqında məlumatları təqdim edirik.
 
A.Həsənova 1977-ci ildə Bakı şəhərində anadan olub. 1994-2001-ci illərdə Azərbaycan Tibb Universitetinin Müalicə işi fakültəsində təhsil alıb və oranı fərqlənmə diplomu ilə bitirib.
 
O, 2000-2001-ci illərdə Mərkəzi Dəmiryol Xəstəxanasında internatura, 2001-2002-ci illərdə mamalıq-ginekologiya ixtisası üzrə təkmilləşdirmə kursu keçib.
 
2001-2006-cı illərdə Saatlı rayon Mərkəzi Xəstəxanasında, 2009-2014-cü illərdə "N-Med", "Vital" özəl tibb mərkəzlərində həkim-ginekoloq kimi fəaliyyət göstərib. Həmçinin "Medikus", "Qələbə" özəl tibb mərkəzlərində işləyib.
 
2021-ci ildən Elmi-Tədqiqat Tibbi Bərpa İnstitutunda ginekoloq vəzifəsində çalışır.
 
A.Həsənova 2018-ci ildə Türkiyədə keçirilən "İnternational Symposium on reproduktive health and İnfert" adlı kursun iştirakçısı olub. Ginekoloji problemlərin həlli və ginekologiya sahəsi üzrə innovativ təkmilləşdirilmə ilə bağlı ölkədaxili və ölkəxaricində keçirilən beynəlxalq konfrans və seminarlarda mütəmadi olaraq iştirak edir.