“Həkimlərimizi tanıyaq!” rubrikamızda saytımızın oxucularına zəngin iş təcrübəsinə malik peşəkar həkim, Mingəçevir Şəhər Mərkəzi Xəstəxanasının Reanimasiya şöbəsinin Uşaq reanimasiyası və İntensiv terapiya bölməsinin reanimatoloqu Xəqani İsgəndərov haqqında məlumatları təqdim edirik.

Xəqani Hacı oğlu İsgəndərov 1 oktyabr 1963-cü ildə Gürcüstan Respublikasında anadan olub. 1981-1987-ci illərdə N.Nərimanov adına Tibb İnstitutunun Pediatriya fakültəsində təhsil alıb. 1987-1988-ci illərdə K.Fərəcov adına Pediatriya Elmi-Tədqiqat İnstitutunda internatura keçib.

O, 1988-1993-cü illərdə Şəki rayon Turan qəsəbəsində həkim-pediatr kimi əmək fəaliyyətinə başlayıb. 1993-2001-ci illərdə Azərbaycan Hərbi Silahlı Qüvvələrində tibb-xidməti kapitanı vəzifəsində xidmət edib. I Qarabağ müharibəsində, daha dəqiq desək 1993-cü ildə Ağdam rayon uğrunda gedən döyüşlərdə həkim kimi şücaət göstərib. 2001-ci ildə Mingəçevir şəhər “Ana və uşaq” MSM-nin Reanimasiya şöbəsində həkim-reanimatoloq vəzifəsində çalışıb. 2017-ci ildən Mingəçevir ŞMX-nın Reanimasiya şöbəsinin Uşaq reanimasiyası və İntensiv terapiya bölməsində həkim-reanimatoloq kimi fəaliyyətini davam etdirir.