İcbari tibbi sığorta çərçivəsində göndəriş hansı halda verilir?
23.09.2022 09:16
TƏBİB tabeliyindəki tibb müəssisələrində icbari tibbi sığorta çərçivəsində göndərişin hansı halda verilməsinə aydınlıq gətirib.
 
Aztibb.az xəbər verir ki, vətəndaşın müraciət etdiyi tibb müəssisəsində ona tələb olunan tibbi xidmətlərin (dar ixtisaslı həkim müayinəsinin və yardımçı-diaqnostik müayinələrin aparılması və ya stasionar tibbi xidmətin göstərilməsi) göstərilməsi mümkün olmadıqda, həmin tibb müəssisəsi bu xidmətləri göstərmək imkanına malik olan digər tibb müəssisəsinə göndəriş verir.
 
Eyni zamanda, ambulator və stasionar tibbi xidmətin TƏBİB-in tabeliyindəki dövlət tibb müəssisələrində göstərilməsi mümkün olmadığı təqdirdə, dövlət tibb müəssisəsi tərəfindən müqaviləli tibb müəssisəsinə göndəriş vərəqəsi verilir.