İlkin tibbi yardım kimi məsuliyyətli bir işin öhdəsindən layiqincə gələn həkim - Racu Nəbiyev
22.09.2022 10:15
“Həkimlərimizi tanıyın!” rubrikasında sizə ilkin tibbi yardım kimi məsuliyyətli bir işin öhdəsindən layiqincə gələn təcili yardım həkimi Racu Nəbiyev haqqında məlumatları təqdim edirik.
 
Aztibb.az Mərkəzi Gömrük Hospitalına istinadla xəbər verir ki, təcili yardım həkimi Racu Nəbiyev Hospitalın Təcili tibbi yardım şöbəsində protokola (CPR, BLS, ACLS, ATLS) uyğun olaraq reanimasiya və stabilləşdirmə tələb edən ağır xəstə və yaralanan xəstələrin təcili qəbulu, stabilləşdirilməsi və ixtisasçılara ötürülməsi; kardiovaskulyar, pulmonar, mədə-bağırsaq, kranioserebral və endokrinoloji xəstəlikləri olan xəstələr üçün ilkin qiymətləndirmə və yardım; xəsarət almış və şok halında olan xəstələrin ilkin və yekun qiymətləndirilməsi; beyin zədəsi olan xəstənin Glazgo Koma şkalası ilə qiymətləndirilməsi və ilkin yardım; baş və üz yaralanmalarının qiymətləndirilməsi, boyun və onurğanın zədələnməsi zamanı immobilizasiya; kiçik cərrahi prosedurların aparılması prosedurlarını həyata keçirir.
 
Racu Nəbiyev 2010-cu ildə Azərbaycan Tibb Universitetinin müalicə işi fakültəsini bitirmiş, 2010-2011-cu illərdə Mərkəzi Klinik Xəstəxanasında anestezioloq-reanimatoloq ixtisası üzrə internatura təhsili almışdır. Əmək fəaliyyətinə 2011-ci ildə başlamış, "N" saylı hərbi hissədə Tibb məntəqəsinin rəisi, 2013-2019-cu illərdə müxtəlif dövlət və özəl tibb müəssisələrində anestezioloq-reanimatoloq kimi çalışıb. 2020-ci ildən Mərkəzi Gömrük Hospitalında Təcili yardım şöbəsinin həkimi kimi fəaliyyət göstərir.
 
O, daim öz üzərində daim çalışır, tibb sahəsində bilik və bacarıqlarını təkmilləşdirmək üçün ixtisasartırma təlimlərində iştirak edir, dünya mətbuatını izləyir. O, 2015-ci ildə Bakı şəhərində keçirilən Amerika Ürək Assosiasiyasının ACLS-Təkmil Kardiovaskulyar Həyata Dəstək təlimində iştirak edib.2018-ci ildə Bakıda Həkimlərin sertifikasiyasından keçdikdən sonra ona Azərbaycan Respublikasının ərazisində anesteziologiya-renimatologiya ixtisası üzrə praktik fəaliyyətlə məşğul olmaq icazəsi verilib.
 
Tibb xidməti leytenantı R.Nəbiyev 44 günlük Vətən müharibəsinin iştirakçısıdır. O, Qubadlı rayonunun işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirmiş və Azərbaycan Respublikası Prezidentinin Sərəncamı ilə 24 iyun 2021-ci il tarixində “Qubadlının azad olunmasına görə” medalı ilə təltif edilib.
 
Həkim barədə daha ətraflı məlumat almaq üçün link: https://customshospital.az/racu-nebiyev
 
Xatırladaq ki, Mərkəzi Gömrük Hospitalının Təcili Tibbi Yardımına məxsus 905 nömrəli çağri mərkəzi 24 saat əhalinin xidmətindədir. Öz bilik və bacarıqlarını daima yeniləyən ambulans heyəti təcili yardım üçün müraciət edən xəstələrə dəqiqələr ərzində həyati vacib tibbi xidmət göstərmək qabiliyyətindədir.
ÇOX OXUNANLAR
Qaraciyərin düzgün işləməməsinin ƏLAMƏTLƏRİ  
Təbii vasitə 12 həftə ərzində 8 kiloqrama qədər arıqladır
Buğda cücərtisi gənclik iksiri kimi də bilinir
Təcili tibbi yardım briqadasının yardımı ilə 66 yaşlı xəstə Mərkəzi Klinik Xəstəxanaya hospitalizasiya olunub
Şuşa Rayon Mərkəzi Xəstəxanasının ginekoloqu Şəbnəm Baxşəliyeva - Həkimlərimizi tanıyaq!
Şahdamara stend taxıla bilərmi?
Masallı Rayon Mərkəzi Xəstəxanasının otorinolarinqoloqu Kamran Musayev - Həkimlərimizi tanıyaq!
Sürətli döyüntünün tək səbəbi ürək deyil!
Uşaq cərrahı Günel Əmiraslanova Şəkidə Bonum Medicalda pasiyent qəbulu həyata keçirəcək
Böyrək daşı xəstəliyi nədir və necə yaranır?
Regionlarda fəaliyyət göstərən peşəkar səhiyyə işçilərini tanıtmaqda davam edirik!
Ağır vəziyyətdə Respublika Uşaq Klinik Xəstəxanasına yerləşdirilən 2 yaşlı uşaq həyata qaytarılıb
Qastroezofageal reflüks xəstəliyindən əziyyət çəkən pasiyent Diaqnoz Tibb Mərkəzində sağlamlığına qovuşub
Naftalan Şəhər Mərkəzi Xəstəxanasının nevroloqu Təranə Bayramova - Həkimlərimizi tanıyaq!