V.Y.Axundov adına Elmi-Tədqiqat Tibbi Profilaktika İnstitutunun həkim-infeksionistləri Afət Əkbərova və Elvira Əliyeva Türkiyyə Cümhuriyyətin İzmir şəhəri Ege Universitetində infeksion xəstəliklər üzrə təkmilləşdirmə kursunda iştirak ediblər.

 

İnstitutdan Aztibb.az-a verilən məlumata görə, təlim Ege Universitetinin İnfeksion xəstəliklər və klinik mikrobioloji elm bölməsinin tanınmış professorları tərəfindən keçirilib.

 

Təlim zamanı gündəlik praktiki iş əsnasında infeksion xəstəliklərin həm ambulator, həm də stasionar şəraitdə müasir diaqnostika və ümümdünya səviyyəsində qəbul olunmuş protokol sxemlərin tətbiqi ilə bilik və bacarıqlar mənimsənilib. Bununla yanaşı, azərbaycanlı həkim-infeksionistlər hər həftə keçirilən elmi-təcrübi seminarlarda yaxından iştirak ediblər.

 

Qazanılmış nailiyyətlər respublikada infeksion patologiyanın vaxtında aşkarlanması, qısa müddətdə diaqnostikası və müasir standatlara uyğun müalicə və profilaktikası üçün zəmin yaradacaqdır.