B.Yusubovun sözlərinə görə, hamiləlik zamanı böyrək daşı problemi olduğunda bəzən zəif bel və qarın ağrısı, bəzən isə şiddətli ağrılarla xəstəxanaya yatırıla bilər. Böyrək infeksiyasında olduğu kimi, ürək bulanma, qusma, qızdırma, ağrılar ola bilər. Bəzi hallarda klinik diaqnozun təyini çətinləşə bilər, çünki bu ağrılar, apendisit və erkən doğum ağrıları ilə səhv salınıb, böyrək daşının olması heç nəzərə alınmaya da bilər. Daş müalicəsi olunmadıqda isə bu uterusda ( uşaqlıq ) sıxılmalara səbəb olub, erkən doğumla nəticələnə bilər. Buna görə də, bu tip ağrılarla xəstəxanaya müraciət edən hamilə qadının diaqnostikasında ultrasəs müayinəsinin aparılması çox vacibdir.