Bu il Azərbaycanda doğulan əkiz və üçəmlərin sayı açıqlanıb.

Bu barədə Dövlət Statistika Komitəsindən məlumat verilib.

Bildirilib ki, cari ilin yanvar-iyul aylarında Ədliyyə Nazirliyinin rayon (şəhər) qeydiyyat şöbələri tərəfindən ölkə üzrə 71491 doğulan körpə qeydə alınmış və ötən ilin müvafiq dövrü ilə müqayisədə əhalinin hər 1000 nəfərinə bu göstərici 11,0-dan 12,2-yə qədər artmışdır. Doğulanlar arasında oğlanların xüsusi çəkisi 52,8 faiz, qızların xüsusi çəkisi isə 47,2 faiz təşkil etmişdir. Körpələr arasında əkiz doğulanların sayı 1984, üçəm doğulanların sayı isə 96 olmuşdur.