Stenokardiya xəstələrinin diqqət etməli olduqları məqamlar

14.09.2022 11:26

Stenokardiyadan (ürəyin işemik xəstəliklərindən biri) əziyyət çəkən xəstələr miokard infarktı və həyati riskin qarşısını almaq, həmçinin simptomları azaltmaq və ya tam aradan qaldırmaq üçün bir sıra məqamlara əməl etməli və diqqətli olmalıdırlar.

Aztibb.az xəbər verir ki, ürək-damar cərrahiyyə uzmanı Cabir Gülmalıyev stenokardiya xəstələrinin diqqət etməli olduqları məqamlardan bəhs edib.

Belə ki, stenokardiya xəstələri:

- Əsəb gərginliyindən uzaq olmalı;

- Qan təzyiqini daim nəzarətdə saxlamalı;

- Artıq bədən çəkisindən azad olmalı;

- Spirtli içkilərdən və siqaretdən imtina etməli;

- Yağlı qidalar qəbul etməməli (xolesterinsiz qidaya üstünlük verməli);

- Faydalı qidalardan istifadə etməli (meyvə, tərəvəz);

- Qanda şəkəri olan xəstələr daim endokrinoloq nəzarətində olmalı;

- Gündəlik olaraq ən azı 30 dəqiqə təmiz havada piyada gəzməli;

- Müalicə rejiminə düzgün riayət etməli;

- Lazımi müayinələrdən vaxtında keçməli (EKQ, EXO, laborator müayinələr);