“Qısamüddətli müdaxilələr qeyri-infeksion xəstəliklərə qarşı faydalıdırmı?” mövzusunda vebinar keçirilib
14.09.2022 10:32
Ümumdünya Səhiyyə Təşkilatı və “Azərbaycan Həkimlər və Təbib Tələbələr” (AzerMDS) İctimai Birliyi 10 sentyabr tarixində “Qeyri-infeksion Xəstəliklər üçün Qlobal Tədbirlər Həftəsi” çərçivəsində “Qısamüddətli müdaxilələr qeyri-infeksion xəstəliklərə (QİX) qarşı faydalıdırmı?” adlı vebinar təşkil edib.
Müxtəlif universitetlərdən tələbə və gənc həkimlərin iştirakı ilə baş tutan vebinarda həyat tərzini dəyişməyin QİX-lərin profilaktika və müalicəsində effektivliyi və onların bu sahədə ata biləcəyi addımlar müzakirə olunub.
Aztibb.az spiker Dr. Elturan İsmayılovun bu mövzuda səsləndirdiyi əsas fikirləri paylaşır:
"Sadəcə 3-5 dəqiqə ayıraraq insanların sağlamlıq davranışlarına təsir göstərmək və qeyri-infeksion xəstəliklərə qarşı mübarizə aparmaq mümkün və effektivdir. Tələbələr və gənc həkimlər çalışdıqları tibb müəssisələrində, asudə vaxtlarını keçirdikləri yerlərdə, ailələri və yaxınları ilə görüşərkən, ictimai nəqliyyatda yol gedərkən - bir sözlə, ünsiyyət qura bildikləri hər yerdə insanların həyatını dəyişə bilərlər".
Bu bölməyə aid digər xəbərlər
ÇOX OXUNANLAR
