“Elə qadın xəstəlikləri var ki, illərlə müalicə etsən belə, aradan qalxmır, tək müalicə üsulu ancaq əməliyyatdadır. İnsanlarda isə əməliyyat xofu var. Qorxmaq lazım deyil, o da müalicənin bir növüdür".

Aztibb.az xəbər verir ki, bu fikirləri Xətai Tibb Mərkəzinin Genikologiya şöbəsinin müdiri, tibb üzrə fəlsəfə doktoru Mehriban Hacızadə əməliyyatı vacib olan və artan qadın xəstəliklərindən danışarkən deyib.

Həkim bildirib ki, son illər ən çox yayılan və yalnız əməliyyatla aradan qaldırılan qadın xəstəlikləri fibro, qanama miomaları, kistomalar, uşaqlıq yolu problemləri, sallanmalar, sidik kisəsinin və düz bağırsağın sallanmasıdır. Bu xəstəliklərlə bağlı çox müraciətlər olur. Miomalarda bəzi müalicə yolları var, müalicələrlə qarşısını ala bilirk, amma sallanmalar müalicə olunmur, yalnız əməliyyat lazımdır.

"Ümumiyyətlə, qadın xəstəlikləri son illər artıb. Mənim fikrimcə, əvəllər qadın məsləhətxanaları, poliklinikalar daha əlaqəli işləyirdilər, qadınları evlərdə gedib yoxlayırdılar. Bu istiqamətdə işlər indi bir az zəifləyib. İnsanların özlərində də həkimə getmək istəyi olmur. Hər qadın altı aydan bir yaxma analizi verməlidir, müayinədən keçməlidir. Bizdə bu mədəniyyət formalaşmayıb. Bunun üçün qadınlarla maarifləndirici işlər görülməlidir. Yeni ailə qurmuş, ana olmuş xanımlara maarifləndirici söhbətlər aparılmalıdır. Tək-tək halda qadın xəstələnmədən analizə, yoxlamaya gəlirlər".