Uzman terapevt Çinarə Səfərova bildirib ki, saqqızla əlaqədar edilən çoxsaylı tədqiqatlar mövcuddur. İngiltərənin Northumbria Universitetində aparılan bir araşdırmaya görə, saqqız çeynəyən kəslərin öyrənmə, yadda saxlama və yenidən xatırlama mövzularındakı qabiliyyətlərini, şagirdlərin imtahan əsnasındakı diqqətlərini artırdığı müəyyən edilib. Saqqız eyni zamanda sakitləşib rahatlamağa, stresi azaltmağa kömək olur.

 

 

İnsan uzun müddət saqqız çeynəyirsə, çeynəmə hərəkətlərindən mədə şirəsi yaranmağa başlayır. Mədədə yemək olmadığı təqdirdə isə selikli qişaya aqressiv təsir edir. Bunun da nəticəsində qastrit, qastroduodenit və digər mədə xəstəlikləri meydana gələ bilər. Əgər insanda artıq bu xəstəliklər varsa, o zaman həddindən çox və tez-tez saqqız çeynəmək xəstəliyin yaraya çevrilməsi riskini artırır. Bir çox insanlar, əsasən də kişilər siqaret çəkdikdən sonra saqqız çeynəməyə üstünlük verirlər. Bu vərdiş sağlamlıq üçün çox təhlükəlidir. Məsələ burasındadır ki, tütün tüstüsündən zərərli maddələr saqqıza hopur, sonra isə ağız suyu ilə mədəyə düşür və selikli qişanı qıcıqlandırır.