Sentyabrın 9-da Yeni Azərbaycan Partiyası Binəqədi Rayon Təşkilatının inzibati binasında, Yeni Azərbaycan Partiyası Binəqədi Rayon Təşkilatı və “Azərbaycan Qan Donorluğunun İnkişafı Mərkəzi”nin təşkilatçılığı, həmçinin Talassemiya Mərkəzi və Mərkəzi Qan Bankının birgə dəstəyi ilə “Saglam olaq – Donor olaq” adlı təbliğat-təşviqat xarakterli tədbir təşkil olunub.

Tədbirdə Yeni Azərbaycan Partiyası Binəqədi Rayon Təşkilatının sədri Vüsar İsmayılov, “Azərbaycan Qan Donorluğunun İnkişafı Mərkəzi”nin İdarə Heyətinin sədri Fuad Rəsul, Dünya Narkotiklə Mübarizə Aparan İdmançılar Federasiyasının Azərbaycan nümayəndəliyinin rəhbəri Cavid Allahverdiyev, Talassemiya Mərkəzinin baş həkimi Xuraman Cəfərova, eləcə də Mərkəzi Qan Bankının müdir müavini Xəyalə Qafarova, Mərkəzi Qan Bankının həkimi Fəridə Məmmədova və Talassemiya Mərkəzinin həkim-hematoloqu Gülər Məmmədova mövzu üzrə məruzələrlə çıxış ediblər.

Qeyd edək ki, qan vermə aksiyaları və təbliğat xarakterli tədbirlər ölkə Prezidenti İlham Əliyevin təsdiq etdiyi "Hemofiliya və talassemiyadan əziyyət çəkən uşaqlara qayğı" Dövlət Proqramına uyğun, həmçinin Heydər Əliyev Fondunun "Talassemiyasız həyat naminə" proqramı çərçivəsində təşkil olunur.