Bu gün K.Y.Fərəcova adına Elmi-Tədqiqat Pediatriya İnstitutu və Çocuk Acil Tıp ve Yoğun Bakım Derneğinin birgə təşkilatçılığı ilə “Təkmil Həyata Dəstək” (ÇİYAD) kursu keçirilib.

Tədbiri giriş nitqi ilə Elmi-Tədqiqat Pediatriya İnstitutunun direktoru, t.ü.f.d. Allahverdi Musayev açıb.

Daha sonra  Türkiyə Respublikasından dəvət olunmuş professorlar Tanıl Kendirli, Dinçer Yıldız və Murat Duman çıxış edərək keçiriləcək kursun iştirakçıların gələcək həyatlarında əhəmiyyətindən bəhs ediblər.

Kurs nəzəri və praktiki qaydada keçirilib.

Nəzəri hissədə dosent Emel Ulusoy “Kritik xəstə dəyərləndirilməsi”, Murat Duman “Təkmil yaşam dəstəyi”, Dinçer Yıldızdaş “Solunum çatışmazlığı və onun müalicəsi” mövzularında məruzələrlə çıxış ediblər.

Praktiki hissə isə Dinçer Yıldızdaş “Şok və müalicəsi”, Tanıl Kendirli “Uşaqlarda yetgin yaşlarında dərmanlar” mövzusunda təqdimatlar ediblər.

Məlumat üçün bildirək ki, pediatr və anestezioloq-reanimatoloqlar üçün nəzərdə tutulan kursu uğurla başa vuran iştirakçılara sertifikat təqdim olunacaq.
Kurs Azərbaycan Respublikası Səhiyyə Nazirliyi Elmi-Tibbi Şurası tərəfindən 9 DTT balı ilə akkreditasiya olunub.