Uzun zamandır qanaxmadan əziyyət çəkən 49 yaşlı qadın müayinə və müalicə ilə bağlı Elmi-Tədqiqat Mamalıq və Ginekologiya İnstitutuna (ETMGİ) müraciət edib.

ETMGİ-dən Aztibb.az-a verilən məlumata görə, həkim mama-ginekoloq, t.ü.f.d. Gülnarə Əzimova tərəfindən konsultasiya olunan pasiyentin anamnezi toplanılıb. Qadından başqa tibb müəssisələrində dəfələrlə endometriyanın qaşıntısı götürülüb və histoloji müayinəsi icra olunub. Nəticədə qeyd olunan hiperplastik proseslərə uyğun aparılan müalicələr heç bir nəticə verməyib və müalicəyə tabe olmayan uşaqlıq qanaxmalarına gətirib-çıxarıb.

Xəstənin toplanılmış anamnezi yenidən İnstitutda aparılan müayinə və müalicələr nəticəsində G.Əzimova tərəfindən uşaqlığın artımlar ilə birlikdə total histerektomiya əməliyyatının icrası qərara alınıb.

Əməliyyat uğurla sonlanıb və pasiyent problemdən azad olub.