Son bir həftə ərzində dünyada təxminən 4,2 milyon insan koronavirusa yoluxub, 13 mindən çox pasiyent dünyasını dəyişib.

Bu barədə Ümumdünya Səhiyyə Təşkilatı (ÜST) məlumat yayıb.

Qeyd olunub ki, yoluxanların sayı əvvəlki yeddi günlə müqayisədə 12%, ölənlərin sayı isə 5% azalıb.

Son yeddi gün ərzində ÜST-ə 4 199 352 nəfərin infeksiyaya yoluxması və 13 716 pasiyentin ölüm faktı barədə məlumat daxil olub.