Azərbaycan Respublikası Prezidentinin müvafiq Sərəncamına və Nazirlər Kabinetinin müvafiq qərar və sərəncamlarına uyğun İcbari Tibbi Sığorta üzrə Dövlət Agentliyi tərəfindən 2022-ci ilin may-iyul ayları üzrə yeni növ koronavirus infeksiyası ilə mübarizə tədbirlərində iştirak edən tibb işçilərinə iş vaxtına və saatına mütənasib olaraq təxminən 448 min manata yaxın, qeyri-tibb işçilərinə isə 44 min manata yaxın müddətli əlavə ödənilib.
İcbari Tibbi Sığorta üzrə Dövlət Agentliyindən Aztibb.az-a verilən məlumata görə, tibb və qeyri-tibb işçilərinə ödənilən müddətli əlavələrin məbləği aşağıdakı kimidir:
| Aylar | Dövlət tibb müəssisələri üzrə | Cəmi | |
| Tibb işçiləri | Qeyri-tibb işçiləri | ||
| May | 237 868,70 AZN (1107 nəfər) | 21 921,72 AZN (386 nəfər) | 259 790,42 AZN (1493 nəfər) |
| İyun | 82 640,16 AZN (385 nəfər) | 8 316,73 AZN (56 nəfər) | 90 956,89 AZN (441 nəfər) |
| İyul | 127 352,85 AZN (438 nəfər) | 13 380,51 AZN (104 nəfər) | 140 733,36 AZN (542 nəfər) |
| CƏMİ: | 447 861,71 AZN (1930 nəfər) | 43 618,96 AZN (546 nəfər) | 491 480,67 AZN (2476 nəfər) |
Dövlət tibb müəssisələri tərəfindən göndərilən siyahılara uyğun olaraq agentlik tərəfindən iyun və iyul ayları üzrə müddətli əlavələrin ödənilməsi davam edir.
Məlumat üçün bildirək ki, Azərbaycan Respublikası Nazirlər Kabinetinin 2022-ci il 3 avqust tarixli Qərarına əsasən yeni növ koronavirus (COVID-19) infeksiyası ilə mübarizə tədbirlərində iştirak edən tibb işçilərinin əməkhaqlarına müddətli əlavələrin ödənilməsi 2022-ci il sentyabrın 1-dək uzadılıb.
_191.jpg "İnfarktdan sonra ürəyi zədələnmələrdən qorumağın yolu tapılıb")
_39.jpg "Bakı və Sumqayıtda qripə qarşı peyvəndləmə başlayıb")
