Elmi-Tədqiqat Mamalıq və Ginekologiya İnstitutu Bakı şəhəri, Yasamal rayonu Kazım Kazımzadə 118 ünvanında yerləşir. İnstitutun heyəti 441 nəfərdən ibarətdir.

 

Elmi-Tədqiqat Mamalıq və Ginekologiya İnstitutunda Poliklinika, Hamiləliyin patologiyası, I Mamalıq, II Mamalıq, Təcili tibbi yardım, Ginekologiya, Anesteziologiya və reanimasiya, Zahılıq, Yenidoğulmuşların reanimasiyası və intensiv terapiyası, Laboratoriya, Əməliyyatxana şöbələri fəaliyyət göstərir.

 

Müəssisədə elmi istiqamətdə Neonatologiya, Mamalıq, Tibbi Genetik Laboratoriya, Şüa-diaqnostika və Hemostaziologiya, Reproduktiv Sağlamlıq və Analitik Tibbi İnformasiya şöbələri mövcuddur.

 

Elmi-Tədqiqat Mamalıq və Ginekologiya İnstitutunda 1 aprel 2021-ci il tarixindən etibarən icbari tibbi sığorta sistemi tətbiq olunur. Hər bir Azərbaycan vətəndaşı İcbari tibbi sığorta üzrə Xidmətlər Zərfinə daxil olan bütün tibbi xidmətlərdən burada ödənişsiz istifadə edə bilər.

 

Qeyd edək ki, gün ərzində Elmi-Tədqiqat Mamalıq və Ginekologiya İnstitutuna ambulator tibbi xidmət üçün müraciət edən pasiyentlərin sayı 60-70, stasionar tibbi xidmət üçün müraciət edən pasiyentlərin sayı isə 40-60 arası dəyişir.