Uşaqlar hər gün ətraf mühitdəki minlərlə mikrobla təmasda olur. Mikroblar onun yediyi qidalarda, nəfəs aldığı havada və ağzına saldığı əşyalar və oyuncaqların üzərində yaşayır.

İcbari Tibbi Sığorta üzrə Dövlət Agentliyi bu barədə maarifləndirici məlumat yayıb. 

Məlumatda deyilir ki, uşaqların immun sistemi bir çox mikroba müqavimət göstərə bilsə də, onların orqanizmi daha təhlükəli mikroblarla mübarizə apara bilmir. Peyvəndlər uşaqların immun sistemini məhz belə mikroblarla mübarizəyə hazırlayır və onun orqanizmini müdafiə edir.