2022/2023-cü tədris ili üçün Azərbaycan Tibb Universitetinin, Ə.Əliyev adına Azərbaycan Dövlət Həkimləri Təkmilləşdirmə İnstitutunun və İ.M.Seçenov adına Birinci Moskva Dövlət Tibb Universitetinin Baki filialının rezidenturasına qəbul olmuş şəxslər Azərbaycan Respublikası Səhiyyə Nazirliyi ilə mülki-hüquq müqaviləsi bağlamalı və qeydiyyatdan keçməlidirlər.
Rezidenturaya qəbul olmuş şəxslərin göstərilən müddətdə qeydiyyatdan keçməməsi onların yerləşdirildiyi ixtisas üzrə təhsil almaqdan imtina etməsi kimi qiymətləndiriləcəkdir.
Rezidenturaya qəbul olmuş şəxslər portal.edu.az platformasında qeydiyatdan keçdikdən sonra 12.09.2022-ci il tarixindən 15.09.2022-ci il tarixinədək Dövlət İmtahan Mərkəzinin elektron xidməti çərçivəsində yaradılmış “Şəxsi kabinet”inin istifadəçi adını, namizədin elektron ərizəsinin iş nömrəsini və siyahıda göstərilən sənədlərin əslini və surətini qeyd olunan tarixdə və ünvanda şəxsən təqdim etməlidirlər:
- Azərbaycan Respublikasının vətəndaşları – şəxsiyyət vəsiqələrini, əcnəbilər – pasportlarını və (və ya) icazə vəsiqələrini, vətəndaşlığı olmayan şəxslər – yaşadıqları ölkənin hüdudlarından kənara getmək üçün onlara verilən sənədləri və ya icazə vəsiqələrini;
- əsas (baza ali) tibb təhsili haqqında sənədi: cari ilin məzunları – təhsil müəssisəsi tərəfindən verilən arayışı, əvvəlki illərin məzunları – diplomu;
- xarici ölkələrdə ali təhsil almış şəxslər - Azərbaycan Respublikasının Təhsil Nazirliyi tərəfindən verilən ixtisasın tanınmasını və ekvivalentliyinin müəyyən edilməsini təsdiq edən sənədləri;
- xarici ölkələrdə ali ixtisas təhsili almış, diplomdan sonra ixtisaslaşma keçmiş Azərbaycan Respublikasının vətəndaşları olan həkimlər Azərbaycan Respublikası Səhiyyə Nazirliyi tərəfindən verilən “Tibbi və əczaçılıq fəaliyyəti ilə məşğul olmağa buraxılması barədə şəhadətnamə”ni.
Tarix və ünvan:
İ.M.Seçenov adına Birinci Moskva Dövlət Tibb Universitetinin Baki filialının rezidenturasına qəbul olmuş şəxslər 12 sentyabr saat 10:00-13:00 (Ünvan: Bakı ş., Hüseyn Cavid Prospekti 139)
Ə.Əliyev adına Azərbaycan Dövlət Həkimləri Təkmilləşdirmə İnstitutunun rezidenturasına qəbul olmuş şəxslər 15 sentyabr saat 10:00-15:00 Ə.Əliyev adına Azərbaycan Dövlət Həkimləri Təkmilləşdirmə İnstitutunun rezidentura şöbəsi (Ünvan: Bakı ş., Müzəffər Həsənov 35)
Azərbaycan Tibb Universitetinin rezidenturasına qəbul olmuş şəxslər 13,14 sentyabr saat 10:00-15:00 (aşağıdakı cədvəl üzrə) Azərbaycan Tibb Universitetinin rezidentura şöbəsi (Ünvan: Bakı ş.,Ənvər Qasımzadə k.,14)
| Tarix və saat | İxtisasların adı |
| 13 sentyabr saat 10:00-13:00 | |
| Anesteziologiya-reanimatologiya | |
| Ümumi cərrahiyyə | |
| Neyrocərrahiyyə | |
| Plastik cərrahiyyə | |
| Ürək-damar cərrahiyyəsi | |
| Uşaq cərrahiyyəsi | |
| Otorinolarinqologiya | |
| Travmatologiya-ortopediya | |
| Onkologiya | |
| Urologiya | |
| Oftalmologiya | |
| Şüa terapiyası | |
| saat 13.00-15:00 | |
| Şüa diaqnostikası | |
| Üz-çənə cərrahiyyəsi | |
| Sosial gigiyena və səhiyyənin təşkili | |
| Gigiyena | |
| Tibbi mikrobiologiya | |
| Laboratoriya işi | |
| Tibbi genetika | |
| 14 sentyabr saat 10:00-13:00 | |
| Mamalıq-ginekologiya | |
| Psixiatriya | |
| Nevrologiya | |
| Daxili xəstəliklər | |
| Kardiologiya | |
| Nefrologiya | |
| Qastroenterologiya | |
| Hematologiya | |
| Dermatovenerologiya | |
| Allerqologiya və immunologiya | |
| Yoluxucu xəstəliklər | |
| Uşaq və yeniyetmə psixiatriyası | |
| Uşaq endokrinologiyası | |
| Uşaq nefrologiyası | |
| Uşaq nevrologiyası | |
| Uşaq qastroenterologiyası | |
| Uşaq yoluxucu xəstəlikləri | |
| Uşaq ürək-damar cərrahiyyəsi | |
| saat 13.00-15:00 | |
| Revmatologiya | |
| Endokrinologiya | |
| Narkologiya | |
| Fizioterapiya və tibbi bərpa | |
| Ftiziatriya | |
| Patoloji anatomiya, məhkəmə-tibbi ekspertiza | |
| Pediatriya | |
| Epidemiologiya | |
| Ailə təbabəti | |
| Nüvə təbabəti | |
| Endodontiya | |
| Parodontologiya | |
| Restorativ stomatologiya | |
| Ortopedik stomatologiya | |
| Uşaq stomatologiyası | |
| Ortodontiya | |
| Uşaq urologiyası | |
| Uşaq kardiologiyası | |
| Neonatologiya |
