TƏBİB-in tabeliyində olan Respublika Perinatal Mərkəzdə ailənin tək övladı, 44 günlük Vətən müharibəsində şəhid olan Sadiq Vəliyevin əkiz bacı-qardaşı dünyaya gəlib.

Aztibb.az-a TƏBİB-dən verilən məlumata görə, 26.08.2022-ci ildə doğulan əkizlərdən birinin (oğlan) çəkisi 2 800 qram, digərinin (qız) çəkisi isə 2 100 qram olub.

Mərkəzin ixtisaslı həkimləri tərəfindən daima nəzarət altında olan ana və körpələri bu gün evə buraxılıb.

Qeyd edək ki, doğulan körpəyə qardaşının - şəhidimizin adı verilib.