Qeyd olunub ki, preeklampsiya, hamiləliyin hipertenziyası, fəsadlaşmış mamalıq anamnezi (FMA) kimi diaqnozları olan hamilə qadın mama-ginekoloq Aytən Bədəlovanın nəzarətində olub. Riskli hamiləlik periodu A.Bədəlova tərəfindən izlənilib, problemlərə uyğun müvafiq müayinə və müalicələr təyin edilib. Vəziyyət ilə əlaqədar hamiləliyin 32-ci həftəsində təcili olaraq Aytən Bədəlova tərəfindən qeysəriyyə kəsiyi əməliyyatı icra olunub və cinsi qadın olan körpə dünyaya gəlib. Uşaq dərhal Yenidoğulmuşların Reanimasiya və İntensiv Terapiyası şöbəsinə köçürülüb.

 

Vaxtından əvvəl dünyaya gələn körpədə bir sıra tənəffüs problemləri və yanaşı patologiyalar mövcud olduğundan həkim-neonatoloq Nigar Şahbazova və tibbi personal tərəfindən müalicə planı təyin edilib. Həyatının ilk günü CPAP dəstəyində olan körpəyə aparılan düzgün müayinə və müalicələr nəticəsində CPAP dayandırılıb.

 

Həkim-mütəxəssislərin göstərdiyi yüksək tibbi xidmət nəticəsində körpə sağlam şəkildə ailəsi ilə birlikdə evə yola salınıb.