Siqaretdən asılılıq ən öldürücü kütləvi zəhərlənmə yoludur. Hər bir siqaretdə orqanizm üçün zəhərli, bir başa xərçəngə səbəb olan və ya xərçəngin yaranmasını sürətləndirən 4000-dən çox kimyəvi maddə aşkarlanıb. Tütünün zərərləri barədə çoxsaylı məqalələr, maarifləndirici materiallar olmasına baxmayaraq bu mövzuda mütəmadi olaraq məlumatların paylaşılması hər zaman aktualdır.
Aztibb.az Elmi-Tədqiqat Tibbi Bərpa İnstitutuna istinadla xəbər verir ki, tütün insanlarda çox ağır fəsadlara səbəb olur.
Bunlar əsasən aşağıdakılardır:
- Orqanizmdə maddələr mübadiləsinin pozulmasına gətirib çıxarır
- Yeniyetmə və gənclərdə beynin inkişafına mənfi təsir göstərir
- Ağız boşluğunda bir sıra xəstəliklərə səbəb olur
- Ürək və ağciyər xəstəlikləri riskini artırır