Mərkəzi Gömrük Hospitalının Mama-ginekologiya şöbəsinin yüksəkixtisaslı uzman həkim-ginekoloqu Gülnar Nuriyeva 30 avqust 2022-ci il tarixində “Hamiləlik zamanı hansı testlər verilməlidir?” mövzusunda canlı yayımda çıxış edib.

Canlı yayımı  Mərkəzi Gömrük Hospitalının rəsmi youtube kanalında izləyə bilərsiniz. Link: https://youtu.be/4doOHMvpKKM.

Qeyd edək ki, Gülnar Nuriyeva 2007-ci ildə Azərbaycan Tibb Universitetinin (ATU) Müalicə işi fakültəsini bitirdikdən sonra 2007-2008-ci illərdə ATU-nun Onkoloji klinikasında həkim-onkoloq kimi internatura təhsili alıb. O, 2012-2016-cı illərdə Türkiyənin İzmir şəhərində Dokuz Eylül Universitet Xəstəxanasında mama-ginekoloq ixtisası üzrə, 2018-2021-ci illərdə isə İsrailin Qüds şəhərində Hadassah Universitet xəstəxanasında Ekstrakorporal mayalanma təhsil proqramı üzrə üst ixtisas əldə edib. Gülnar Nuriyeva Türkiyə və İsrail Ginekologiya Cəmiyyətlərinin həqiqi üzvüdir.

Gənc həkim bir sıra beynəlxalq qadın xəstəlikləri və doğuma dair konfransların iştirakçısı və məruzəçisi olub. O, 2021-2022-ci illərdə özəl tibb müəssisəsində Doğum şöbəsinin müdiri, mama-ginekoloq kimi fəaliyyət göstərib.