TƏBİB-dən Aztibb.az-a daxil olan məlumata görə, Bakı Baş Səhiyyə Mərkəzi Yasamal rayonu, Mikayıl Müşfiq 1 M ünvanında yerləşir.

 

Mərkəzə Bakı şəhərində yerləşən ambulator və stasionar xidmət göstərən 105 tibb müəssisəsi daxildir. Bunlara 33 şəhər poliklinikası, 20 uşaq poliklinikası, 12 birləşmiş səhər xəstəxanası, 5 tələbə poliklinikası, 6 qadın məsləhətxanası, 4 uşaq stomatoloji poliklinikası, 3 ədəd sağlamlıq mərkəzi, 2 ədəd müalicə-diaqnostika mərkəzi və digər tibb müəssisələri aiddir.

 

Mərkəzin tabeli müəssisələrində 1 aprel 2021-ci il tarixindən etibarən icbari tibbi sığorta sistemi tətbiq olunur. Hər bir Azərbaycan vətəndaşı icbari tibbi sığorta ilə Xidmətlər Zərfinə daxil olan bütün tibbi xidmətlərdən burada ödənişsiz istifadə edə bilər. Bunun üçün sadəcə şəxsiyyət vəsiqəsi yetərlidir.

 

Qeyd edək ki, gün ərzində Bakı Baş Səhiyyə Mərkəzinin tabeliyində olan tibb müəssisələrinə müraciət edən pasientlərin sayı 45000-59000 arası dəyişir.