21-22 oktyabr 2022-ci il tarixlərində Bakıda I Beynəlxalq Süd Vəzisi Xərçəngi Konqresi keçiriləcək.
Aztibb.az-ın məlumatına görə, beynəlxalq tədbir Azərbaycan Respublikası Səhiyyə Nazirliyi, Azərbaycan Tibb Universiteti, Milli Onkologiya Mərkəzi, Azərbaycan Tibb Universitetinin Onkoloji Klinikası və BHWGI-in birgə təşkilatçılığı baş tutacaq.
Konqresdə süd vəzisi xərçənginin profilaktikası, diaqnostikası və müalicəsi üzrə Azərbaycanın aparıcı mütəxəssisləri ilə yanaşı, Türkiyə, ABŞ, Rusiya, Gürcüstan, Almaniya, Qazaxıstan və digər ölkələrin tanınmış onkoloqları da iştirak edəcəklər.
Tədbir çərçivəsində panel müzakirələr, Beynəlxalq Süd Vəzisi Xəstəlikləri Çalışma Qrupunun VII toplantısı, süd vəzisi radioloji kursu, eləcə də tibb bacısı kursu kimi praktik simpozium və seminarlar təşkil olunacaq.
Beynəlxalq konqresə qeydiyyat 15 oktyabr 2022-ci il tarixinədək davam edəcək.
Əlaqə nömrələri: (+994 12) 480 38 75, (+994 50) 389 91 88