Kimyəvi adı piridoksin olan B6 vitamini sinir və immun sisteminin sağlam fəaliyyətində, həmçinin qırmızı qan hüceyrələrinin istehsalında iştirak edir. Digər B qrupu vitaminləri kimi B6 vitamini də enerji istehsalında mühüm rol oynayır.

 

Aztibb.az Kliniki Tibbi Mərkəzə istinadla xəbər verir ki, tərkibində B6 vitamini olan əsas qidalara paxlalılar, qırmızı və ağ ət, yumurta, süd və süd məhsulları, mal əti qaraciyəri, tuna balığı, noxud, yaşıl yarpaqlı tərəvəzlər, banan, avokado və s. aiddir.

 

Orqanizmdə bu vitaminin çatışmazlığı zamanı insanlarda qan azlığı, immun sisteminin zəifləməsi, zəiflik, əl və ayaqlarda uyuşma, unutqanlıq və dəri tökülməsi kimi sağlamlıq problemləri yaranır.

 

Yuxarıda sadalanan əlamətlərdən birini özünüzdə müşahidə etsəniz, həkimə müraciət etməyiniz məsləhətdir.