Bildirilib ki, başqa tibb müəssisələrində pasiyentə hamiləliyin baş tutması üçün bir sıra əməliyyatlar, süni mayalanma təklif olunsa da vətəndaş bunlardan imtina edib.

 

İnstitutun Poliklinika şöbəsinin mama-ginekoloqu Kəmalə Rüstəmovanın konsultasiyasında olan vətəndaşa təyin olunan düzgün müalicə taktikasından sonra pasiyentdə normal hamiləlik baş tutub.

 

İkibuynuzlu uşaqlıq əksər hallarda hamiləliyin öz-özünə pozulmasına (uşaqsalmaya) səbəb olsa da, K.Rüstəmovanın nəzarəti altında 9 aylıq period sağlam şəkildə başa vurulub. Hamilə S.Səfərova Hamiləliyin patologiyası şöbəsinin müdiri, t.ü.f.d. Zinyət Muradova tərəfindən icbari tibbi sığorta çərçivəsində uğurla icra olunan qeysəriyyə kəsiyi əməliyyatı ilə övladına qovuşub.

 

Ana S.Səfərova ona yüksək səviyyədə göstərilən bütün tibbi xidmətlərdən razı qaldığını bildirib, başda Kəmalə Rüstəmova və Zinyət Muradova olmaqla bütün personala təşəkkür edib.

 

Qeyd edək ki, ikibuynuzlu uşaqlığı olan hamilə qadın daim ginekoloqun nəzarətində olmalı, özünü ağır fiziki yükləmələrdən və stresdən qorumalı, lazım olduğu təqdirdə isə hamiləliyin nəzarətdə saxlanılması üçün xəstəxanaya yerləşdirilməlidir. Bundan əlavə, belə patologiyalarda ekstrakorporal mayalanma və bir sıra əlavə əməliyyatlar icra olunmamışdan öncə normal hamiləliyin baş tutması üçün pasiyent düzgün və ətraflı müayinələrdən keçməli, müvafiq müalicə planı təyin olunmalıdır.