ÜST Ebola virusuna qarşı 2 preparat tövsiyə edir
20.08.2022 15:14

Ümumdünya Səhiyyə Təşkilatı (ÜST) Ebola virusunun törətdiyi xəstəliyin müalicəsi ilə bağlı ilk təlimatı dərc edib. Bu təlimat monoklonal anticisimlərin iki preparatının istifadəsi ilə bağlı yeni tövsiyələri ehtiva edir.


Terapevtik vasitələrin randomizə edilmiş klinik sınaqlarının sistematik icmalı və meta-analizindən sonra ÜST iki monoklonal anticisimlər preparatı mAb114 (Ansuvimab; Ebanga) və REGN-EB3 (Inmazeb) ilə bağlı tövsiyələri dərc edib.

 

Klinik sınaqlar Ebola virusunun yayılması zamanı aparılıb, üstəlik ən böyük sınaq Konqo Demokratik Respublikasında həyata keçirilib, bununla da sübuta yetirilib ki, hətta mürəkkəb şəraitdə Ebola virusunun yayılması zamanı yüksək elmi dəqiqlik səviyyəsinə nail olmaq olar.

 

Tövsiyələr Ebola virusu olan xəstələrə baxan tibb işçiləri, eləcə də xəstəliyin yayılması və onun qarşısının alınmasında iştirak edən siyasətçilər üçün faydalı olacaq.

 

Yeni tövsiyələr klinik baxım üzrə təlimatı tamamlayır, bu təlimatda analizlərin aparılması, ağrının kəsilməsi, qidalanma, yanaşı xəstəliyin müalicəsinə yanaşmalar və sağalmaq üçün ən düzgün yol təsvir edilir.

 

Tövsiyə edilən iki preparat açıq-aydın üstünlükləri nümayiş etdirib və Ebola virusunun səbəb olduğu xəstəliyin təsdiqlənmiş müsbət diaqnozu ilə bütün xəstələrə tətbiq edilə bilər.

 

Bu preparatlardan yaşlı insanlar, hamilə və uşaq əmizdirən qadınlar, uşaqlar və Ebola diaqnozu olan anaların yeni doğulan körpələri istifadə edə bilər. Pasiyentlər monoklonal anticisimlər preparatlarını qəbul etməyə mümkün qədər tez, diaqnozun laboratoriya təsdiqindən dərhal sonra başlamalıdır.
Bu preparatlara çıxış mürəkkəb olaraq qalır, xüsusilə də məhdud ehtiyatı olan bölgələrdə. ÜST bu müalicə metodlarına çıxışın yaxşılaşdırılmasında ölkələrə, istehsalçılara və tərəfdaşlara dəstək göstərməyə hazırdır.

 

 
 

 

ÇOX OXUNANLAR
Qaraciyərin düzgün işləməməsinin ƏLAMƏTLƏRİ  
Təbii vasitə 12 həftə ərzində 8 kiloqrama qədər arıqladır
Buğda cücərtisi gənclik iksiri kimi də bilinir
Təcili tibbi yardım briqadasının yardımı ilə 66 yaşlı xəstə Mərkəzi Klinik Xəstəxanaya hospitalizasiya olunub
Şuşa Rayon Mərkəzi Xəstəxanasının ginekoloqu Şəbnəm Baxşəliyeva - Həkimlərimizi tanıyaq!
Şahdamara stend taxıla bilərmi?
Uzman həkim Şiraslan Baxşəliyev Gəncə Beynəlxalq Xəstəxanasında pasiyentləri qəbul edəcək
Sürətli döyüntünün tək səbəbi ürək deyil!
Masallı Rayon Mərkəzi Xəstəxanasının otorinolarinqoloqu Kamran Musayev - Həkimlərimizi tanıyaq!
Uşaq cərrahı Günel Əmiraslanova Şəkidə Bonum Medicalda pasiyent qəbulu həyata keçirəcək
Qaradağ Tibb Mərkəzində daha bir uğurlu əməliyyat icra olunub
Böyrək daşı xəstəliyi nədir və necə yaranır?
Regionlarda fəaliyyət göstərən peşəkar səhiyyə işçilərini tanıtmaqda davam edirik!
Ağır vəziyyətdə Respublika Uşaq Klinik Xəstəxanasına yerləşdirilən 2 yaşlı uşaq həyata qaytarılıb