İlk hamiləliyi başqa tibb müəssisəsində uğursuz nəticələnən qadın Elmi-Tədqiqat Mamalıq və Ginekologiya İnstitutunda ana olub.

Aztibb.az-a bu barədə institutdan məlumat verilib.

Bildirilib ki, anamnezində hamiləliyin 18-ci həftəsində düşük olan hamilə müayinə və müalicə üçün ETMGİ-nin həkim mama-ginekoloqu Yeganə Axundovaya müraciət edib.

Vaxtından əvvəl doğuş təhlükəsi, istmiko-servikal çatışmazlıq kimi diaqnozlarla daimi olaraq nəzarətdə saxlanılan hamiləyə mama-ginekoloq tərəfindən servikal-serklyaj əməliyyatı və bir sıra başqa lazımi müalicələr icra olunub.

Riskli keçən 9 aylıq periodun sonunda hamiləliyin 39-cu həftəsində təbii doğuşla cinsi qadın olan körpə dünyaya gəlib. Yenidoğulmuşun çəkisinin 4 150 qram olmasına baxmayaraq doğuş fəsadsız keçib.