"Bu məqsədlə təzə meyvənin şirəsini çəkib, hər stəkana 1 çay qaşığı bal qarışdırıb içə bilərsiniz. Bədəndə endorfin səviyyəsini çoxaldır, bununla da həm təbii ağrıkəsici rolunu oynayır, həm də yeyəndən sonra insanın yaşamaq həvəsini artırır (xoşbəxtlik hormonlarını çoxaldır). Albalıdan şəkər xəstəliyindən əziyyət çəkənlər də bol-bol istifadə edə bilərlər.

 

Tərkibindəki çox miqdarda olan A və C vitamini dəri xəstəliklərində, diş dibi qanamalarında, göz zəifliyində, dəri kəpəklənməsində faydalıdır. Yüksək xolesterin və damardaxili tromblaşmada çox faydalıdır, infarkt keçirmiş insanlar və aterosklerozlu insanlar üçün çox xeyirlidir".

 

Həmçinin bu meyvədən artıqçəkili insanların istifadə etməsi məsləhətlidir. Belə ki, həm toksinin artmasında, həm də arıqladıcı kimi faydalıdır. Zəngin mineral və vitamin tərkibinə görə immuniteti artırır, babasil xəstəliyində faydalıdır: bağırsaqları yumuşaldır və iltihabı qaldırır. Bu faydalı meyvədən yuxusuzluqdan əziyyət çəkənlər də istifadə edə bilər. O, böyüməkdə olan uşaqlar üçün olduqca faydalı bir qidadır. Eyni zamanda beyinin qanla təchizatını artırır, beyin qan dövranını yaxşılaşdırır, skleroz və alzheimer xəstələrinin həm müalicəsində, həm də profilaktikasında istifadə olunur, yaddaşı və diqqəti gücləndirir. Tez-tez ürəkdöyünmələrdən əziyyət çəkənlər üçün də faydalıdır.