Aztibb.az Elmi-Tədqiqat Mamalıq və Ginekologiya İnstitutuna istinadla xəbər verir ki, ekstrakorporal mayalanma sonrası hamiləlik, yaş faktoru, yüksək təzyiq, bağırsaq və bir sıra yanaşı problemləri olan ana namizədi hamiləliyin ilk həftəsindən həkim mama-ginekoloq, t.ü.f.d, dosent Xəyalə Təhməzinin nəzarətində olub. Vəziyyəti ilə əlaqədar hamiləyə ambulator müalicə ilə yanaşı hamiləliyin patologiyası şöbəsində davamlı olaraq stasionar tibbi xidmət də göstərilib.

 

9 aylıq periodun sonunda icbari tibbi sığorta çərçivəsində uğurla icra olunan qeysəriyyə kəsiyi əməliyyatı ilə cinsi qadın olan körpə sağlam şəkildə dünyaya gəlib.