Aztibb.az bu barədə Kliniki Tibbi Mərkəzin feysbuk səhifəsinə istinadla məlumat verir.

 

Qeyd olunub ki, avqustun 7-də Mərkəzə gətirilən və koma vəziyyətdə olan E.Mahmudovun qaraciyəri iki hissəyə bölünmüş vəziyyətdə olub. Həkim-cərrah Əziz Məmmədov tərəfindən icbari tibbi sığorta çərçivəsində əməliyyat uğurla icra edilib. Bir müddət KTM-in Reanimasiya şöbəsində qalan qazimizin vəziyyəti yaxşılaşdığı üçün artıq digər müvafiq şöbəyə köçürülüb. Hazırda Emrahşah Mahmudovun vəziyyəti stabildir və müalicəsinə davam edilir.

 

Məlumat üçün bildirək ki, E.Mahmudov Vətən müharibəsi zamanı Ağdam və Suqovuşan istiqamətində ağır döyüşlərdə iştirak edib və yaralanıb.