Miyasteniya Gravis sinir əzələ keçiriciliyinin pozulması ilə gedən autoimmun xəstəlikdir. Onun simptomlarının başlanğıcı ani ola bilər. Əzələ zəifliyi günün ikinci yarısında daha çox olur.

 

Aztibb.az xəbər verir ki, bu barədə Bakı Sağlamlıq Mərkəzinin torakal cərrahı, uzman həkim Fəhmin Əmirov məlumat verib. 

 

Həkim bildirib ki, xəstəlik zamanı gücsüzlük xüsusilə göz və göz qapağı əzələlərindən başlayır. Miyastenia Gravis simptomları zamanla irəliləyərək xəstəliyin başlanğıcından bir neçə il sonra daha ağır səviyyələrə çatır.

 

Miyasteniya gravisin simptomları aşağıdakılardır:

• Göz əzələlərinin zəifliyi

• Udma çətinliyi, nitq pozğunluğu

• Ptozis (bir və ya hər iki göz qapağının sallanması)

• Diplopiya (bulanıq və ya ikiqat görmə)

• Çeynəmədə çətinlik, üz ifadəsində dəyişiklik

• Nəfəs darlığı

• Qollarda, ayaqlarda, boyunda və ətraflarda zəiflik

 

F.Əmirovun sözlərinə görə, əzələ zəifliyinin dərəcəsi insandan insana dəyişir. Bir bölgədə ola bilər və ya bir çox əzələlərə təsir edərək digər nahiyələrə də yayıla bilər.