Uşaqlarda tərləmə valideynlərin ən çox rast gəlinən şikayətlərindən biridir. Tərləmə-normal haldır. İstər böyüklər, istərsə də uşaqlar hərəkət və ya artıq güc sərf etdikdə bədəndə enerji əmələ gəlir. Bu enerji tər vasitəsilə bədəndən xaric olur.

Aztibb.az-ın xəbərinə görə, həkim pediatr Günay Rəsulova uşaqlarda tərləmə problemi ilə bağlı fikirlərini böölüşüb. 

G.Rəsulovanın sözlərinə görə, ilk növbədə bilmək lazımdır ki, uşaqların yatarkən və yemək yeyərkən tərləməsi tamamilə normaldır. Tərləmə uşaqlarda çox vaxt ailəyə bağlı olaraq genetik xarakter daşıyır. 

Lakin bütün gecə boyu uşşaq həddindən çox tərləyirsə, 4-5 dəfə uşağın əynini dəyişdirməyə ehtiyac yaranırsa, deməli, bunun müəyyən səbəbləri vardır. Bu səbəblərə aşağıdakılar daxildir:

D vitamini əksikliyi

İlk 3 yaş uşaqlarda raxitlik

Tiroid problemləri və s. 

Bu səbəbdən həddindən çox tərləyən uşaqların həkim müayinəsindən keçməsi tövsiyə olunur. 

"Əsas narahatedici məqam odur ki,  tərləmə ilə bərabər uşaqlarda qızdırma olursa, uşaq çəki də itirirsə, vaxt itirmədən pediatra müraciət etmək lazımdır", - deyə həkim əlavə edib.